گەشتە ئاسمانییەکانی نێوان ئێران و عێراق دەستپێدەکەنەوە
بەشی عێراق و هەرێمی کوردستان- وەزیری گواستنەوەی عێراق رایگەیاند، ڕۆژی دووشەممە گەشتەکانی نێوان عێراق و ئێران دەستپێدەکەنەوە.
بەپێی هەواڵی کوردپرێس، ناسر حسێن وەزیری گواستنەوەی عێراق رایگەیاند، گەشتەکانی نێوان عێراق و ئێران بەپێی خشتەیێکی دیاریکراو و بۆ کۆمپانیای گشتی هێڵی ئاسمانی عێراق ڕۆژی دووشەممە دەستپێدەکاتەوە.
ئەوەشی خستووەتەڕوو، "دەستپێکردنەوەی گەشەتەکان پاش وەرگرتنی رەزامەندی دەسەڵاتدارانی فرۆکەوانی ئێران بووە".
باسی لەوەش کردووە، "گەشتەکان لە فڕۆکەخانەکانی بەغدا و نەجەف بۆ فڕۆکەخانەکانی تاران و مەشهەد و بە پێچەوانەشەوە دەبێت".
ئەمەش لەکاتێکدایە، لە رۆژی ٢٥ مانگی رابردوودا و لەسەر داوای دەسەڵاتدارانی ئێران گەشتە ئاسمانییەکانی عێراق و ئێران راگیران.
سەرچاوە: NRT
کۆدی هەواڵنێر: 60113
بۆچوونی بەکارهێنەران