ئاسایشی هەولێر:
په‌كه‌كه به‌ڕێوه‌به‌ری ئاسایشی سه‌رزێڕێی تیرۆر كردووه
بەشی عێراق و هەرێمی کوردستان- بەڕێوەبەرایەتی ئاسایشی هەولێر لەبارەی کوژرانی بەڕێوەبەری ئاسایشی سەرزێڕی رایگه‌یاند: لەلایەن پەکەکەوە تیرۆر کراوە و پێشتریش هەڕەشەی تیرۆر کردنیان لێکردبوو.
بەپێی هەواڵی کوردپرێس، له راگه‌یه‌ندراوێكدا بەڕێوەبەرایەتی ئاسایشی هەولێر بڵاوی كرده‌وه: "دوای لێکۆڵینەوەی ورد و هەمەلایەنە، دەرکەوت کە لەلایەن پەکەکەوە تیرۆر کراوە و پێشتریش بە راستەوخۆ و ناڕاستەوخۆ هەڕەشەی تیرۆر کردنیان لێکردبوو".
ئاسایشی هەولێر ڕاشیگەیاندووە بەتووندی ئیدانەی ئەم کارە تیرۆریستییە ترسنۆکانە دەکەین و ئەم کردەوە تیرۆریستییە بێ وەڵام نابێت.
غازی لە ساڵی 1985 بووەتە پێشمەرگە و ساڵی 1988 ئاواری ئێران بووە، لەگەڵ براکانیدا لە شەڕی داعشدا بەشدار بوون.
شایانی باسە ئێوارەی 08-10-2020، غازی ساڵح ئالیخان بەرپرسی ئاسایشی دەروازەی سەرزێڕی لە گوندی بیگداودا بە گولـلە کوژرا.
کۆدی هەواڵنێر: 60113
بۆچوونی بەکارهێنەران