دانوستانی نێوان لایەنە کوردیەکانی سووریا پێی نایە قۆناخی سێیەم
بەشی سووریا- ئەندامی ناوەندیی ENKS ڕایگەیاند قۆناخی سێیەمی دانوستانەکانی یەکگرتن لەنێوان ENKS و PYNK دەستی پێکردووە.
بەپێی هەواڵی کوردپرێس، نێعمەت داوود، ئەندامی لیژنەی ناوەندیی ئەنجومەنی نیشتمانیی کورد (ENKS) ئاماژەی دا بە دۆخی دانوستانەکانی نێوان لایەنە کوردیەکان لە سووریا و ڕایگەیاند: «دانوستانەکان لەسەر پرسی یەکگرتنی کوردەکان لەنێوان ENKS و حزبەکانی یەکێتیی نیشتمانیی کورد (PYNK) پێی ناوەتە قۆناخی سێهەم».
ناوبراو دەڵێت: ئێمە وەکوو ئەنەکەسە لە کوردستانی سووریا خوازیاری دامەزراندنی هاوبەشیێکی ڕاستەقینەین و بەنیازین لەگەڵ لایەنی بەرنبەردا لە گۆڕەپانی بەڕێوەبەرایەتی و ئیدارەدانی ناوچەکە بەشدار بین تاکوو بتوانین چاوەڕوانییەکانی خەڵک لەبارەی خزمەتگوزارییەکانەوە جێبەجێ بکەین.
ننێعمەت داوود وتیشی بۆیە بۆ گەیشتن بەم ئامانجمانە هاوبەشیی ڕاستەقینەمان دەوێت و دانوستانەکانیش بەباشی دەچنە پێشەوە.
کۆدی هەواڵنێر: 60113
بۆچوونی بەکارهێنەران