جێگری سیاسی و ئەمنیی پارێزگاری کرماشان:
چلەی ماتەمینی ئەمساڵ هیچ زیارەتکارێک نانێرینە عێراق/ سەردانی مەرزەکان مەکەن
بەشی کرماشان- جێگری سیاسی و ئەمنیی پارێزگاری کرماشان لە لێدوانێکدا ڕایگەیاند چلەی ماتەمینی ئەمساڵ هیچ زیارەتکارێک نانێرینە کەربەلا هەر بۆیەش داوای لە هاووڵاتییان کرد سەردانی سنوورەکان مەکەن.
کوردپرێس:
ڕۆژی دووشەمە 14ی ڕەزبەری 1399 بەرانبەر بە 5ی تشرینی یەکەمی 2020 حوسێن خۆش ئێقباڵ جێگری سیاسی و ئەمنیی پارێزگاری کرماشان لە لێدوانێکدا ڕایگەیاند چلەی ماتەمینی حوسەینیی ئەمساڵ هیچ پلانێکیان بۆ ڕەوانەکردنی زیارەتکارانی حوسێنی بۆ کەربەلا نیە و داوای لە هەموو هاووڵاتییانیش کرد پێبەندی ڕێنمایییەکان بن و سەردانی سنوورەکان نەکەن.
خۆش ئێقباڵ گوتیشی بڕیار وابوو کە 1500 زیارەتکار بە گەشتی ئاسمانی سەردانی کەربەلا بکەن بەڵام بە فەرمانی ژووری کۆنتڕۆڵ کردنی کۆرۆنا ئەوەش هەڵوەشایەوە و هیچ پلانێک بۆ ناردنی زیارەتکار بە دەستەوە نیە.
ناوبراو داوای لە هاووڵاتییان کرد هاوکاریی لایەنە پێوەندیدارەکان بکەن بۆ ئەوەی زووبەزوو و بە خەسارێکی کەمتر شەپۆلی سێهەمی پەرەسەندنی کۆرۆنا تێپەڕێنن.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران