عادل عەبدولمەهدی و شا سەلمان لە سعوودیە کۆ بوونەوە
بەشی عێراق و هەرێمی کوردستان- ئەمڕۆ چوارشەممە عادل عەبدولمەهدی سەرۆکوەزیرانی عێراق، کە بە سەردانێکی فەرمی سەردانی سعوودیەی کرد لەگەڵ شا سەلمان کوڕی عەبدولعەزیز شای سعوودیە کۆ بووە و گفتوگۆیان کرد.
کوردپرێس: میدیاکانی عێراق و سعوودیە لەمبارەوە بڵاویان کردەوە دیداری نێوان سەرۆکوەزیرانی عێراق و شا سەلمانی سعوودیە لە شاری جەدە بووە و دیدارەکە چەند سەعاتێکی خایاندووە.
هەندێ سەرچاوە باسیان لەوە کردووە ئەم سەردانەی عادل عەبدولمەهدی بۆ سعوودیە پەیوەندیی بە گۆڕانکارییەکانی یەمەن و شەڕی یەمەنەوە هەیە و دەکرێ ئەم سەردانە بە جۆرێک یارمەتیدەری ئاگربەستی نێوان یەمەن و سعوودیە و ئیمارات بێت.
سەرچاوەیێکی نزیک لە عادل عەبدولمەهدی بە ئاژانسی RTی رووسی راگەیاندووە، عەبدولمەهدی هەوڵی لێک نزیک کردنەوەی ئێران و سعوودیە دەدات، بە مەبەستی کەم کردنەوە و نەهێشتنی گرژیی و ئاڵۆزییەکانی کەنداو و ئەو پرسە لەگەڵ دەسەڵادارانی ئەو وڵاتە تاوتوێ دەکات.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران