بارزانی و سه‌ڵاحه‌دین به‌هادین داوا ده‌كه‌ن په‌له بكرێت له پێكهێنانی كابینه‌ی حكوومه‌ت
بەشی عێراق و هەرێمی کوردستان- مه‌سعوود بارزانی، سه‌رۆكی پارتی دیموكراتی كوردستان و سه‌ڵاحه‌دین به‌هادین، ئه‌مینداری گشتی یه‌كگرتووی ئیسلامی كوردستان كۆبونه‌وه و داوایان كرد به‌په‌له بكرێت له پێكهێنانی كابینه‌ی نوێی حكومه‌تی هه‌رێمدا.
کوردپرێس:
به‌پێی راگه‌یه‌ندراوێكی نووسینگه‌ی ئه‌مینداری گشتیی یه‌كگرتووی ئیسلامی، ئه‌مڕۆ یه‌كشه‌ممه سه‌ڵاحه‌دین به‌هادین سه‌ردانی مه‌سعوود بارزانی، سه‌رۆكی پارتی دیموكراتی كوردستانی كردووه، له دیداره‌كه‌دا گفتوگۆیان كرد له‌سه‌ر بارودۆخی سیاسی ناوچه‌كه و گۆرانكاریه‌كانی ناوچه‌كه كرده‌وه.
له‌ته‌وه‌رێكی تردا جه‌خت كرایه‌وه له‌سه‌ر په‌یوه‌ندی ئه‌رێنی لایه‌نه سیاسیه‌كان و په‌له‌كردن له پێكهینانی كابینه‌ی نوێ ی حكومه‌ت و كاراكردنی په‌رله‌مان، به‌پاراستنی رۆڵ و مافی هه‌موولایه‌ك له‌ده‌سه‌ڵات بێ یا له ئۆپۆزسیۆن.
*لە شارپرێس وەرگیراوە
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران