پارتى و گۆڕان بۆ یەکخستنى ڕوانگەیان لەسەر كارنامەی حكوومەت دوو لیژنە پێکدەهێنن
بەشی عێراق و هەرێمی کوردستان- پاش نیوەڕۆى ئەمڕۆ شاندى پارتى و گۆڕان لە مەکۆی سەرەکى بزوتنەوەى گۆڕان لە سلێمانى کۆ بوونەوە و لە ڕاگەیەنراوێکیشدا ئاشکرایان کردووە، بریاردراوە دوو لیژنە دروست بكەن بۆ یەكخستنی روانگەی هەردوولا لەسەر كارنامەی حكومەت.
کوردپرێس:
بەپێی ڕاگەیەنراوى کۆبوونەوەى ئەمڕۆى ئەو دوو حزبە لیژنەیەكیش بۆ دانانی پێوەرەكانی چۆنیەتی بەشداریكردن لە حكوومەت پێکدەهێنرێت.
پارتى دیموکراتى کوردستان و بزووتنەوەى گۆڕان ئاماژەیان بەوەش کردووە، هەردوولا جەختیان كردەوە لەوەی دەبێت پەلە بكرێت و چیدی پڕۆسەی پێكهێنانی حكومەت و رێزگرتن لە ئیرادەی دەنگدەران دوا نەخرێت.
ئەوەش لەکاتێکدایە کە دوێنێش یەکێتى و پارتى کۆ بوونەوە و ڕایانگەیاند، لیژنەیێک لەسەر پرسی پێکهێنانى کابینەى نوێی حکوومەت پێکدەهێنن.
بۆچوونی بەکارهێنەران