شاندى مامۆستایانى زانکۆ گەیشتنە کوردستانی سووریا
بەشی عێراق و هەرێمی کوردستان- شاندێکی مامۆستایانی زانکۆی سلێمانی گەیشتنە کوردستانی سووریا و لەلایەن بەڕێوەبەرایەتیی دەروازەی سێمالکا و لیژنەی پەیوەندییە دیبلۆماسییەکانی زانکۆی ڕۆژئاواوە پێشوازییان لێکرا.
کوردپرێس:
ڕۆژی چوارشەمە 26ی کانوونی یەکەمی 2018 ئەو شاندە گەیشتنە کوردستانی سووریا، کە لە شەش مامۆستای زانکۆی سلێمانی پێکهاتوون و ئامانجیان دروستکردنی پەیوەندیی زانسییە لە نێوان زانکۆکانی کوردستانی سووریا و زانکۆکانی هەرێم.
شاندەکە لە شەش مامۆستای زانکۆ پێکهاتوون، کە دووانیان ژنە و لە کاتی گەیشتنیشیان لەلایەن بەڕێوەبەرایەتیی دەروازەی سێمالکا و لیژنەی پەیوەندییە دیبلۆماسییەکانی زانکۆی ڕۆژئاواوە پێشوازییان لێکرا.
شاندەکە ماوەی هەفتەیێک لە کوردستانی سووریا دەمێننەوە، لەو ماوەیەشدا زنجیرەیێک دیدار و کۆبوونەوە لەگەڵ سەرۆکایەتیی زانکۆکانی کوردستانی سووریا و مامۆستایانی زانکۆی ڕۆژئاوا و زانکۆی کۆبانێ ساز دەکەن و زنجیرەیێک کۆڕ و سیمینار ئەنجام دەدەن.
*لە ڕۆژ نیوز وەرگیراوە
بۆچوونی بەکارهێنەران