جه‌بار یاوه‌ر: به‌غدا به‌رپرسی هاتنی هێزه بیانییه‌کان بۆ هه‌رێمی کوردستانه
به‌پێی هه‌واڵی کوردپرێس، جه‌بار یاوه‌ر به هه‌واڵده‌ریی مه‌علوومه‌ی گوت: ده‌وڵه‌تی فیدڕاڵ به‌رپرسی هاتنی هێزی بیانی بۆ هه‌رێمی کوردستانه چوونکه هێزه ئه‌مریکییه‌کانی جێگیر له بنکه‌ی سه‌ربازیی ئه‌مریکا له هه‌ولێر له ڕێگای به‌غداوه هاتوونه‌ته هه‌رێمی کوردستان.
ناوبراو ڕوونیشی کرده‌وه: هێزه‌کانی ئه‌مریکا له سنووره‌کانی سووریاوه نه‌هاتوونه‌ته ناو عێراق به‌ڵکوو له به‌غداوه ڕه‌وانه‌ی بنکه سه‌ربازییه‌کانیان له هه‌رێمی کوردستان کراون و زیادبوونی ژماره‌ی هێزه‌کانی ئه‌مریکاش به‌پێی ڕه‌زامه‌ندیی ده‌وڵه‌تی ناوه‌ندی ئه‌نجام ده‌درێت.
جه‌بار یاوه‌ر جه‌ختی له‌سه‌ر ئه‌وه کرده‌وه که ده‌وڵه‌تی فیدڕاڵ به‌رپرسی هاتنی هێزی بیانی بۆ ناو خاکی عێراقه و گوتیشی: حکوومه‌تی هه‌رێمی کوردستان دژ به هاتنی هێزه‌کانی ئه‌مه‌ریکا به بێ ڕه‌زامه‌ندیی به‌غدایه بۆ ناو هه‌ولێر و ئه‌و کاره به پێشێل کردنی سه‌روه‌ریی عێراق ده‌زانێت.
کۆدی هه‌واڵنێر: 60103
بۆچوونی بەکارهێنەران