خبر
2022-07-12 11:48
کاتی خوێندنەوە: 1 خولەک
★
—
(0)
چوارچێوەی هەماهەنگی لە دەستنیشان کردنی کاندیدی سەرۆکوەزیران نزیک بووەتەوە
بەشی عێراق و هەرێمی کوردستان- سەرۆکی هاوپەیمانیی دەوڵەتی یاسا ڕایگەیاند، چوارچێوەی هەماهەنگی نزیک بووەتەوە لە دەستنیشان کردنی کاندیدی سەرۆکوەزیران و پێکهێنانی حکوومەتی نوێ.
بەپێی هەواڵی کوردپرێس، نووری مالیکی سەرۆکی هاوپەیمانیی دەوڵەتی یاسا لە لێدوانێکدا کە نووسینگەکەی بڵاوی کردووەتەوە ڕایگەیاندووە: "گفتوگۆکانی چوارچێوەی هەماهەنگی لەگەڵ لایەنە سیاسییەکان پێشکەوتنی بەدیهێناوە، ئەوەش دوای ئەوەی دووربووین لە پەراوێزخستن و دەرگامان بەڕووی هاوبەشە سیاسییەکاندا کراوە بوو".
ناوبراو ئاماژەی بەوەش کردووە، "ئێستا نزیکبووینەتەوە لە بەدیهێنانی ئامانجەکان کە گرنگترینیان دەستنیشانکردنی کاندیدی سەرۆکوەزیرانە لەگەڵ پێکهێنانی حکوومەتێک کە بتوانێت دۆخی ئەمنی و خزمەتگوزاری باشتر بکات".
بۆچوونی بەکارهێنەران