خبر
2022-06-13 05:16
کاتی خوێندنەوە: 1 خولەک
★
—
(0)
موقتەدا سەدر و مەسعوود بارزانی لە پێوەندییەکی تەلەفۆنیدا دوایین گۆڕانکارییەکانی عێراق تاوتوێ دەکەن
بەشی عێراق و هەرێمی کوردستان- بارەگاى بارزانى رایگەیاند، مەسعوود بارزانی و موقتەدا سەدر لە ڕێی تەلەفۆنەوە بارودۆخی سیاسیی عێراقیان تاوتوێ کرد.
کوردپرێس:
بەپێی راگەیەنراوێکى بارەگاى بارزانى، ڕۆژی یەکشەممە ۱۲ـی حوزەیرانی ۲٠۲۲ موقتەدا سەدر لە ڕێی تەلەفۆنەوە پەیوەندی بە مەسعوود بارزانی کرد.
ئاماژە بەوەش کراوە، لەو پەیوەندییە تەلەفۆنییەدا هەردوولا بارودۆخی عێراق و دوا پێشهاتەکانی ناو پڕۆسەی سیاسیان تاوتوێ کرد.
ئەمەش لە حاڵێکدایە کە فراکیسۆنى رەوتى سەدر کە بە 73 کورسییەوە خاوەنى زۆرترین کورسی پەرلەمانە، لەسەر داواى موقتەدا سەدر لە پەرلەمان کشایەوە و دەست لەکار کشانەوەیان لەلایەن سەرۆکی پەرلەمانەوە واژۆ کرا.
بۆچوونی بەکارهێنەران