شوێنی چارەسەر کردنی کێشەکانی هەرێم بەغدایە

بەشی عێراق و هەرێمی کوردستان- وەفدێکی کۆمەڵی دادگەری لە کۆبوونەوەیەکیاندا لەگەڵ سەرۆک کۆماری عێراق جەختیان لەوەکردەوە بەغدا شوێنی چارەسەری کێشەکانی هەرێمە.

بەپێی هەواڵی کوردپرێس، لەمبارەوە سۆران عومەر، پەرلەمانتاری عێراق و ئەندامی وەفدەکەی کۆمەڵی دادگەری بە خەندانی راگەیاند: لە شاری بەغداد لەگەڵ بەرهەم ساڵح سەرۆک کۆماری عێراق کۆبووینەوە و لە کۆبوونەوەکەدا بارودۆخى ئێستاى عێراق و هەرێمى کوردستان تاوتوێ کرا.

ناوبراو ڕوونیشی کردەوە، لەبارەى پێکهێنانی حکوومەتی ئایندە "هەردوولا کۆک بووین لەسەر ئەوەى ڕێکەوتنی لایەنەکان بۆ مافە دەستوری و شایستە داراییەکانی خەڵکی هەرێم بێت"، سەبارەت بە نەوت و غازی هەرێمی کوردستانیش جەختمان کردەوە "پێویستە لە خزمەتی خەڵکی کوردستاندا بێت".

زیاتر بخوێنەوە

هەواڵی پێشوو و داهاتوو