سەرۆک وەزیرانی عێراق پەیامێکی بەبۆنەی ساڵیادی دامەزراندنی پارتی بڵاو کردەوە

محەممەد شياع سوودانی، سەرۆکوەزیرانی عێراق ساڵیادی دامەزراندنی پارتی دیموکراتی کوردستان لە مەسعوود بارزانی پیرۆز دەکات.

بەپێی هەواڵی کوردپرێس، نووسینگەی ڕاگەیاندنی محەممەد شیاع سوودانی ئاماژە بەوە دەکات، سەرۆکوەزیرانی عێراق نامەیەکی پیرۆزبایی بۆ سەرۆک بارزانی ناردووە و تێیدا "جەختی کردووەتەوە کە ئەم ساڵیادە لەگەڵ خۆیدا بیرەوەریی خەباتی پارتەکە لەگەڵ هەموو هێزە سیاسییە عێراقییەکانی دیکە دژی ستەمی رژێمی دیکتاتۆریی لەنێوچوو، هەروەها [یادی] بەشداربوونی [پارتی] لە چەسپاندنی سیستمێک کە هەڵگری بنەمای دادپەروەری و یەکسانی و بونیادنانی عێراقێکی ئازادی دیموکراسییە، نوێ دەکاتەوە".

ڕاگەیێندراوەکە هەروەها دەڵێت، سوودانی "هیوای بەختەوەری و خۆشگوزەرانی بۆ سەرکردایەتیی پارتی و هەموو گەلی کوردی و عێراقمان خواست".

#کوردپرێس #کورد #کوردستان #مەسعوود بارزانی #سەرۆک وەزیرانی عێراق #سەرۆکی هەرێمی کوردستان #محەمەد شیاع سوودانی #دامەزراندنی پارتی

زیاتر بخوێنەوە

هەواڵی پێشوو و داهاتوو