خبر
2024-06-08 12:20
کاتی خوێندنەوە: 1 خولەک
★
—
(0)
تورکیا جارێكی تر ماوەی ڕاگرتنی گەشتەکانی بۆ فڕۆکەخانەی سلێمانی درێژ کردەوە
بەشی تورکیا- بەڕێوەبەری فڕۆکەخانەی سلێمانی ئاشكرای كرد، تورکیا جارێكی تر ماوەی ڕاگرتنی گەشتەکانی بۆ فڕۆکەخانەی سلێمانی درێژ کردەوە.
بەپێی هەواڵی کوردپرێس، هەندرێن هیوا، بەڕێوەبەری فڕۆکەخانەی سلێمانی، ئەمڕۆ شەممە، بە ئێن ئاڕ تی-ی ڕاگەیاند، ڕاگرتنی گەشتەکان لەنێوان تورکیا و فڕۆکەخانەی سلێمانی تاوەکوو ۷ی مانگی ۱۲ی ئەمساڵ درێژکراوەتەوە.
باسی لەوەشکرد، دەسەڵاتی فڕۆکەوانیی تورکیا دوێنێ هەینی، لە ڕێگای ئیمەیڵەوە ئاگاداری کردوونەتەوە بۆ دووبارە درێژکردنەوەی ڕاگرتنی گەشتەکانی نێوانیان.
دوایین جار لە ۲۳-۱۲-۲۰۲۳ تورکیا ڕاگرتنی گەشتە ئاسمانییەکانی بۆ فڕۆکەخانەی سلێمانی بۆ شەش مانگ و تاکوو ۲۲-۰۶-۲۰۲۴ درێژ کردبووەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران