ژمارەی قوربانیانی کۆرۆنا لە ئێران ڕەقەمی 12 هەزاری تێپەڕاند

بەشی ئێران- وتەبێژی وەزارەتی تەندروستیی ئێران ڕایگەیاند لە 24 کاتژمێری ڕابردوودا 153 حاڵەتی نوێی مردن بە کۆرنا تۆمار کراوە بەوەش ژمارەی گیان لە دەستدان بە کۆرۆنا لە ئێران گەیشتە 12 هەزار و 84 کەس.

بەپێی هەواڵی کوردپرێس، ڕۆژی چوارشەمە 18ی پووشپەڕی 1399 سیما سادات لاری وتەبێژی وەزارەتی تەندروستیی ئێران لە لێدوانێکدا دوایین ئامارەکانی لەبارەی کۆرۆناوە ڕاگەیاند و بەو پێیەش لە ماوەی 24 کاتژمێری ڕابردوودا 2 هەزار و 691 حاڵەتی نوێی تووشبوون تۆمار کراوە کۆی گشتیی تووشبووان گەیشتە 248 هەزار و 379 حاڵەت.

هەر بە وتەی سادات لاری لە ماوەی 24 کاتژمێری ڕابردوودا 153 حاڵەتی مردن بە هۆی کۆرۆنا تۆمار کراوە و کۆی قوربانییانی کۆرۆنا تا ئەم کاتە گەیشتۆتە 12 هەزار و 84 کەس.

شایانی باسە وتەبێژی وەزارەتی تەندروستی ئاشکراشی کرد کە تا ئێستا 209 هەزار و 463 کەس نەخۆشییەکەیان تێپەڕاندووە.

زیاتر بخوێنەوە

هەواڵی پێشوو و داهاتوو