هێزە ئەمنییەکانی کەربەلا بۆ ماوەی 3 ڕۆژ خرانە ئامادەباشییەوە
بەشی عێراق و هەرێمی کوردستان- فەرماندەی پۆلیسی کەربەلا پشت ڕاستی کردەوە کە هێزەکانی بۆ ماوەی سێ ڕۆژ خستۆتە حاڵەتی ئامادەباشییەوە.
کوردپرێس: خۆپیشاندان لە شارەکانی عێراق بەردەوامە و لە پارێزگای زیقاریش ئەمڕۆ و سبەی لە سەرجەم فەرمانگەکان کرایە پشوو. لە بەغداش پێكدادان لەنێوان خۆپیشاندەر و ھێزە ئەمنییەكان دروست بوو.
خۆپیشاندان و ناڕەزایەتییەکانی عێراق بەردەوامن و گۆرەپانی وەسبەی ناوەڕاستی بەغدا، شەوی رابردوو پێکداهەڵپژان لەنێوان خۆپیشاندەران و هێزە ئەمنییەکان دروست بوو، بەهۆیەوە ژمارەیێک خۆپیشاندەر برینداربوون.
لە پارێزگای زیقاریش بەهۆی خۆپیشاندان و نارەزایەتییەکانەوە، ئەمڕۆ و سبەی لە سەرجەم فەرمانگە حکومییەکان کراوەیە پشوو.
ھەروەھا لە کەربەلاش سەرجەم هێزە ئەمنییەکان بۆ ماوەی سێ رۆژ خراونەتە ئەوپەڕی حاڵەتی ئامادەباشییەوە.
کۆدی هەواڵنێر: 60113
بۆچوونی بەکارهێنەران