بزووتنەوەی گۆڕان و یەکگرتووی ئیسلامی جەختی لێدەکەنەوە:
پێویستە لە ماوەیەکی کەمدا وادەی بەڕێوەچوونی هەڵبژاردنی پەرلەمانی کوردستان دیاری بکرێت
بەشی عێراق و هەرێمی کوردستان- هەر یەکە لە حزبەکانی بزووتنەوەی گۆڕان و یەکگرتووی ئیسلامیی کوردستان جەخت لەوە دەکەنەوە کە دەبێت لە ماوەیەکی کەمدا وادەی بەڕێوەچوونی هەڵبژاردنی پەرلەمانی کوردستان دیاری بکرێت.
بەپێی هەواڵی کوردپرێس، شاندێکى باڵای بزووتنەوەى گۆڕان سەردانى لایەنە سیاسییەکانى هەرێم دەکات و سەردانەکەش بۆ گفتوگۆکردنە لەسەر هەڵبژاردنى پەرلەمانى کوردستان و چەند پرسێکى دیکە.
شاندێکى باڵای بزوتنەوەى گۆڕان بە سەرۆکایەتى عومەر سەید عەلی لە شاری سلێمانى سەردانى یەکگرتووی ئیسلامى کرد و لەگەڵ سەلاحەدین بەهادین کۆبۆوە.
سەردانەکە بۆ لای لایەنە سیاسییەکانى دیکەش بەردەوام دەبێت و تیایدا لەبارەى هەڵبژاردنى پەرلەمانى کوردستان و دۆخى عێراق و ئامادەکارییەکانى کورد بۆ قۆناغی داهاتوو گفتوگۆ دەکات.
بزوتنەوەى گۆڕان دەیەوێت هەموو لایەنەکان بەیەکەوە بڕیارێکى هاوبەشی نیشتیمانیانە بدەن بۆ ئەوەى هەڵبژاردن لە بەهاری داهاتوو بکرێت و زیاتر دوا نەخرێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران