مەسروور بارزانی و باڵیۆزی ئەڵمانیا بەرەوپێشبردنی پەیوەندییە دوولایەنەکان تاوتوێ دەکەن
بەشی عێراق و هەرێمی کوردستان- مەسروور بارزانی، سەرۆکی حکوومەتی هەرێمی کوردستان،پێشوازیی لە مارتن یێگەر باڵیۆزی نوێی ئەڵمانیا لە عێراق کرد.
بەپێی هەواڵی کوردپرێس، سەرۆکی حکوومەت، پیرۆزبایی دەستبەکاربوونی لە باڵیۆزی نوێی ئەڵمانیا کرد و هیوای سەرکەوتنی بۆ خواست لە ئەرکەکانیدا لە پێناو بەرەوپێشبردنی پەیوەندییەکانی ئەڵمانیا لە گەڵ عێراق و هەرێمی کوردستان.
باڵیۆزی ئەڵمانیا، سوپاسی هەماهەنگیی و هاریکاری حکوومەتی هەرێمی کوردستانی کرد و خواستی وڵاتەکەشی، بۆ پەرەپێدانی پەیوەندی هەمەلایەنە لە گەڵ هەرێمی کوردستان دەربڕی.
لە دیدارەکەدا، هەروەها گفتوگۆ دەربارەی هەڵبژاردنەکانی ئەم دواییەی عێراق و ئەڵمانیا و چاکسازییەکانی کابینەی نۆیەمی حکوومەتی هەرێمی کوردستان و گرنگیی بەردەوام بوونی هاوکاری کردنی پێشمەرگە کرا.
بۆچوونی بەکارهێنەران