PYD یادی مام جەلال بەرز ڕادەگرێت
بەشی سووریا- پارتی یەکێتی دیموکرات بۆ چوارەمین ساڵیادی ماڵئاوایی مام جەلال پەیامێکی بڵاوکردەوە و یادی بەرز ڕادەگرێت.
بەپێی هەواڵی کوردپرێس، پارتی یەکێتی دیموکرات (پەیەدە) لە راگەیەنراوێکدا ئاماژەی بەوەکردووە، رێز و پێزانینیان هەیە بۆ خەباتی سیاسيی مام جەلال و باوەڕیان وایە خەباتی سیاسيی مام جەلال قوتابخانەیەک بوو کە ئەو ژیانی خۆی لەسەر دانا.
ئەوەش هاتووە، "ئەمڕۆ چوار ساڵ بەسەر کۆچی دوایی مام جەلالدا تێدەپەڕێت، ئێمە تا ئێستاش خەبات و هەوڵەکانی ئەو بۆ کورد یاد دەکەینەوە و حیکمەتێکی گەورەیە بۆ ئێمە".
پەیەدە لەراگەیەنراوەکەیدا ئەوەشی خستوەتەڕوو، "فکری ئەو تێڕوانین و وتەکانی ئەو بە نرخەوە بەبیردەهێنینەوە، هەرچەند ساڵ بەسەر ماڵئاوایی ئەو تێپەڕ ببێت هێڵی تێکۆشانی ئەو بۆ هەموو گەلانی ئازادیخواز بە سەرچاوە دەمێنێتەوە".
بۆچوونی بەکارهێنەران