کاردانەوەی سەرۆکوەزیرانی عێراق لەبارەی بەیاننامەی ئایەتوڵڵا سیستانی تایبەت بە هەڵبژاردن
کوردپرێس:
سەرچاوە میدیاییەکانی عێراق ڕایانگەیاند مستەفا کازمی سەرۆکوەزیرانی عێراق لەبارەی بەیاننامەی ئایەتوڵڵا سیستانی تایبەت بە هەڵبژاردنی پەرلەمانی عێراق هەڵوێستی وەرگرت و ڕاگەیاند: بەیاننامەکەی مەرجەعی باڵا ئایەتوڵڵا سیستانیمان لەبارەی هەڵبژاردنەوە وەرگرت کە هەڵگری واتای پیرۆزی نیشتمانی و مرۆڤایەتی بوو.
کازمی زیادی کرد: جەخت دەکەینە سەر زەروورەتی پێبەندبوونی دامەزراوەکانی دەسەڵات بۆ بەڕێوەبردنی هەڵبژاردنێکی تەندروست و داوا لە کاندیدەکانیش دەکەین پێبەندی یاساکان بن و هەروەها داوا لە هاووڵاتییانیش دەکەین بە شێوەی فراوان بەشداریی هەڵبژاردن بکەن و کاندیدەکانیان بە شێوەی دروست هەڵبژێرن.
شایانی باسە ئایەتوڵڵا سیستانی لە ڕێگای بەیاننامەیێکەوە بانگهێشتی هاووڵاتییانی کردبوو بەشداریی ئاگادارانەی هەڵبژاردن بکەن و لەبارەی هەڵبژاردنی "ئەو کەسانەی بڕوایان بە بەڕژەوەندییە باڵاکانی عێراق نیە" هۆشداریی دابوو.
بۆچوونی بەکارهێنەران