دەریادار ئێرانی: لە ئێستادا هیچ هێزێک توانای دەستدرێژیی بۆ سەر سنوورە دەریاییەکانی ئێران نییە
بەپێی هەواڵی کوردپرێس، ئەمیر دەریادار شارام ئێرانی لە ڕێوەڕەسمی ڕێزلێنان لە هەفتەی بەرەڤانیی پیرۆز کە لە زانکۆی کوردستان بەڕێوەچوو ڕایگەیاند: لە ڕۆژانی بەرایی جەنگدا یەکەم ڕاسپاردەی هێزی زەمینیی ئەرتەش ئەوە بوو ڕێگری بکات لە پێشڕەوەی کردنی دوژمن بۆ ناو خاکی ئێران و لە پاڵیدا هێزی ئاسمانیی ئەرتەش لە ئۆپەراسیۆنێکدا توانیی کەرەستەی دوژمن لەناو بەرێت.
ناوبراو ڕاشیگەیاند: لە هێزی دەریاییشداهەر لە ڕۆژانی یەکەمی شەڕەوە توانیمان ئاوڕێیانی وڵات لە کەنداوی فارس پاکسازی بکەین و تاکوو ئەمڕۆیش هیچ دوژمنێک توانیای نەبوو نزیکی بکەوێتەوە.
فەرماندەی هێزی دەریایی ئەرتەشی کۆماری ئیسلامیی ئێران زیادی کرد: لە چەند دەیەی ڕابردوودا زیاتر لە 10 هەزار ناوی بازرگانی سنوورە ئاوییەکانی ئێرانیان تێپەڕاندووە و لەم ماوەیەشدا تەنها 250 کەشتی لەلایەن دوژمنەوە هێرشیان کراوەتەسەر کە سەد لەوانە ژێرئاو کەوتن و ئەوانی دیکە ڕزگار کراون.
سەردار ئێرانی وتیشی: گەرووی هورموز کە هەموو جارێک لەلایەن وڵاتانی دەوروبەرەوە موناقشەی لەسەر ئەکرێت بەتەواوی لەژێر کونترۆڵی هێزی دەریایی ئێراندایە و مۆڵەت بەهیچ وڵاتێک نادەین لەم ناوچەدا خۆنوێنی بکات.
بۆچوونی بەکارهێنەران