سەردار پاکپوور هۆشداری دەداتە هەرێمی کوردستانی عێراق
بەپێی هەواڵی کوردپرێس، سەردار محەمەد پاکپوور فەرماندەی هێزی زەمینیی سوپای پاسداران سەردانی یەکینەکانی سەر سنووری کرد و ڕایگەیاند: سەرەڕای چەندین جار ئاگادار کردنەوەی بەرپرسانی باڵای هەرێمی باکووری عێراق لە چالاکیی گرووپە چەکدارەکان، ساڵانێکە ئەو گرووپانە هەوڵ بۆ نفووز کردن و کاری دژەئەمنی دەدەن لە دژی وڵاتەکەمان و ئەو هەوڵانە درێژەیان هەیە.
ناوبراو ڕاشیگەیاند حکوومەتی عێراق و هەرێمی کوردستان نابێت مۆڵەتی جووڵە کردن و بەرپا کردنی بنکە و بارەگا لە وڵاتەکەیان بدەن و ئەگەر لەمبارەوە خەمسارد بن ئەم خەمساردییە دژی دراوسێیەتی و پەیوەندییە باشەکانی نێوان دوو وڵاتە.
سەردار پاکپوور جەختی کردەوە بەئاوڕدانەوە لە دۆخی ناوچەکە و ئەگەری وەڵامی قورسی کۆماری ئیسلامیی ئێران بۆ ئەو دەست درێژیگەلە داوا لە دانیشتووانی ئەو ناوچانە دەکەین خۆیان بەدوور بگرن لە بنکەی گرووپە تیرۆریستییەکان تاکوو خەسارێکیان بەر نەکەوێت.
بۆچوونی بەکارهێنەران