پێشوازیی لە پەسەند کردنی ئەنجامەکانی ھەڵبژاردن دەکەین/کورسییەکانمان بە ناحەق بران

بەپێی هەواڵی کوردپرێس، دوای ئەوەی ئێوارەی ئەمڕۆ، دادگای باڵای فیدراڵی عێراق ئەنجامی هەڵبژاردنی پێشوەختەی عێراقی پەسەندكرد، پارتی دیموكراتی كوردستان وەک یەکەم ھێزی کوردی پێشوازیی لە پەسەندکردنی ئەنجامەکانی ھەڵبژاردن کرد.

لە ڕاگەیەندراوەكەی مەكتەبی سیاسی پارتیدا هاتووە، پارتی پێشوازی لە بڕیاری دادگای باڵای فیدراڵی دەکات بۆ پەسەند کردنی ئەنجامی کۆتایی ھەڵبژاردنی پێشوەختەی ئەنجومەنی نوێنەرانی عێراق، ئەم بڕیارە ھەنگاوە دەستوورییەکان بەدوای خۆیدا دەھێنێت بۆ پێکھێنانی کابینەی داھاتووی حکوومەتی فیدراڵ.

لە ڕاگەیێندراوەکەدا ئەوەش خراوەتەڕوو، جەخت لە بەدواداچوونی ئەو ستەمە دەکەینەوە کە لە پارتیمان کرا لە بە ناحەق بردنی دوو کورسی لە کورسیەکانمان، بە رێگای یاسایی لەلایەن ئەو کاندید و دەنگدەرانەمانەوە کە بە نایاسایی دەنگەکانیان سووتێنران.