حکوومەتی عێراق:
هێرشی PKK بۆ سەر پێشمەرگە، هێرشە بۆ سەر سەروەریی وڵات
بەشی عێراق و هەرێمی کوردستان- حکوومەتی عێراق سەرکۆنەی هێرشەکەی دوێنێی گەریلاکانی پارتی کرێکارانی کوردستان دەکات بۆ سەر هێزەکانی پێشمەرگە لە پارێزگای دهۆک.
بەپێی هەواڵی کوردپرێس، تۆڕی میدیایی ڕووداو بڵاوی کردەوە لە راگەیێندراوێکدا حکوومەتی عێراق ڕایگەیاندووە : "سەرکۆنەی هێرش و پەلاماری چەکدارانی سەر بە پارتی کرێکارانی کوردستان دەکەین، کە هێزەکانی پێشمەرگەی لە پارێزگای دهۆک کردووەتە ئامانج، بەهۆیەوە شەهید و برینداری لێکەوتووەتەوە".
حکوومەتی عێراقی دەڵێت: "بە تووندی ئەو هێرشە رەت دەکەینەوە، کە لەنێو خاکی عێراقدا کراوە، ئەمە هێرشە بۆ سەر سەروەریی عێراق، رێکارەکان دەگرنەبەر بۆ ئەوەی سنوورێک دابنرێت بۆ ئەو هێرش و پەلامارانە، کە ئاسایش و سەروەریی عێراق پێشێل دەکات".
کۆدی هەواڵنێر: 60113
بۆچوونی بەکارهێنەران