6 گیان لەدەستدان و 254 تووشبووی دیکەی کۆرۆنا لە کوردستانی سووریا تۆمار کرا

کوردپرێس:

ڕۆژی شەمە 31ی تشرینی یەکەمی 2020 دوکتور جوان مستەفا هاوسەرۆکی دەستەی دەتندروستیی ئیدارەی خۆسەری کوردی سووریا لە لێدوانێکدا دوایین ئاماری کۆرۆنای ڕاگەیاند و بەو پێیەش لە ماوەی 24 کاتژمێری ڕابردوودا 254 حاڵەتی نوێی تووشبوون بە ڤایرۆسەکە تۆمار کراوە.

هاوسەرۆکی دەستەی تەندروستی ئیدارەی خۆبەڕێوەبەریی راشیگەیاند: تووشبووەکان پێکهاتون لە (142) نێر و (112) مێ، زۆرترینی لە کۆبانێ (56) حاڵەتی تێدا تۆمارکراوە، دوای ئەو رەققە بە (42) حاڵەت و تەبقە بە (37) حاڵەت پلەی سێیەمی گرتوە لە زۆرترین تووشبووی نوێی کۆرۆنادا.

ناوبراو ئەوەشی زیاد کرد: لەماوەی (24) سەعاتی رابردودا (3) حاڵەتی چاکبونەوەی کۆرۆنا تۆمارکراوە. و (6) کەسیش گیانیان لەدەستداوە.

ئاماری گشتی کۆرۆنا لە رۆژئاوای کوردستان:

تووشبووان: 4604

چاکبوونەوە: 707

گیان لەدەستدان: 125