ھەناری ھەڵەبجە ھەناردەی فەرەنسا دەكرێت
بەشی عێراق و هەرێمی کوردستان- وەزیری كشتوكاڵی ھەرێمی كوردستان رایدەگەیەنێت، لە ھەوڵدان ھەناری ھەڵەبجە ھەناردەی فەرەنسا بكەن و كارگەیەكی شەربەت لە ھەڵەبجە دروست بكەن.
بەپێی هەواڵی کوردپرێس، بێگەرد تاڵەبانی، وەزیری كشتوكاڵ و سەرچاوەكانی ئاو، لەمیانی بەشداری كردنی لە فێستیڤاڵی ھەنار لە ھەڵەبجە رایگەیاند: "بە ھەماھەنگی لەگەڵ كونسوڵخانەی فەرەنسا لە ھەرێمی كوردستان، لە ھەوڵداین توێژینەوەی زانستی لەسەر بەرھەمی ھەناری ھەڵەبجە بكەین، لەو چوارچێوەیەشدا دەست بكەین بە دامەزراندنی كارگەی شەربەت".
ناوبراو گوتیشی: "گفتوگۆمان لەسەر ئەوە كردووە بەرھەمی ھەناری ھەڵەبجە ھەناردەی فەرەنسا بكەین، لە ئایندەیێكی نزیكدا ھەنگاوەكانمان بە كردەیی دەست پێدەكات".
وەزیری كشتوكاڵ راشیگەیاند: "لە چەند رۆژی داھاتوودا بەردی بناغەی سێ كارگەی دانەوێڵە لە ھەرێمی كوردستان دادەنرێ، دەبێتە ھۆكار بۆ كڕینەوەی گەنمی جوتیاران، كە بە بەرھەمێكی سەرەكی ھەژمار دەكرێت".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران