لەسەر پرسی قەرەباخ، ئەردۆغان و پووتین پەیوەندیێکی تەلەفۆنییان ئەنجام دا
بەپێی هەواڵی کوردپرێس، لە پەیوەندییێکی تەلەفۆنیدا ڤلادیمێر پووتین، سەرۆکی رووسیا لەگەڵ رەجەب تەییب ئەردۆغان، سەرۆککۆماری تورکیا باسیان لە دۆخی ناگۆرنۆ-قەرەباخ و شەڕی نێوان ئەرمینیا و ئازەربایجان کردووە.
لە گفتوگۆکەدا پووتین نیگەرانیی خۆی لەبارەی بەردەوام بوونی شەڕەکە و بەشداری کردنی چەکداران لە رۆژهەڵاتی ناوەڕاستەوە نیشان داوە.
پووتین هەروەها باسی لەو هەوڵ و هەنگاوانەی رووسیا بۆ دامرکاندنەوەی دۆخی نارگۆرنۆ - قەرەباخ بۆ ئەردۆغان کردووە و زانیاریی پێداوە.
کریملین هەروەها رایگەیاندووە کە هەردوولا رێککەوتوون لەسەر هاوئاهەنگیی بەردەوام لەسەر ئاستی دەزگا و وەزارەتەکان بۆ ئەوەی بتوانن شەڕی ناگۆرنۆ-قەرەباخ بووەستێنن و بەشێوەی کرداری ئاگربەست رابگەیێنن.
هەر بەپێی راگەیێندراوی کریملین، دۆخی سووریاش تەوەرێکی دیکەی پەیوەندییە تەلەفۆنییەکە بووە.
کۆدی هەواڵنێر: 60113
بۆچوونی بەکارهێنەران