سەرۆککۆماری عێراق لەگەڵ ئەمیری کۆمەڵی ئیسلامیی کوردستان دیداری کرد
کوردپرێس:
بەگوێرەی راگەیەندراوێكی سەرۆكایەتیی كۆماری عێراق، ڕۆژی سێشەمە 6ی تشرینی یەکەمی 2020 بەرھەم ساڵح سەرۆککۆماری عێراق لە بەغدا پێشوازیی لە عەلی باپیر ئەمیری کۆمەڵی ئیسلامیی کوردستان كرد و گفتوگۆی چەند پرسێكی ئەمنی و ئابووری و سیاسیی عێراق و کوردستان و ناوچەکەیان كرد.
لە ڕاگەیێندراوەکەی سەرۆکایەتیی کۆماری عێراقدا ئاماژە بەوەش دراوە، لە كۆبوونەوەكەدا جەخت کرایەوە لەگرنگیی گفتوگۆ و دیاڵوگی جددی لە نێوان سەرجەم لایەنە سیاسییەکانی عێراق و کوردستان و پێویستیی چارەسەرکردنی کێشە و قەیرانەکان و گەیشتن بە رێگاچارەی گونجاو و ھێنانەدیی خۆشگوزەرانی و ئارامی بۆ گشت ھاووڵاتییان.
هەروەها لەبەشێكی دیكەی رگەیەندراوەكە هاتووە،" لە بەشێکی دیکەی كۆبوونەوەكەدا دووپات کرایەوە لە پێویستیی چارەسەرکردنی کێشە ھەڵپەسێردراوەکانی نێوان ھەردوو حکوومەتی ھەرێمی کوردستان و حکوومەتی فیدراڵی لە سەر بنەمای دەستوور و یاسا، بەتایبەتی پرسی مووچەی مووچەخۆران و بژێوی ژیانی خەڵک و پاراستنی مافی ھاووڵاتیانی عێراق و ھەرێمی کوردستان بێ جیاوازی.
بۆچوونی بەکارهێنەران