هاوسەرۆکی شارەوانیی قەرس لەلایەن پۆلیسی تورکیاوە دەستگیر کرا
بەشی تورکیا- هێزەکانی پۆلیسی تورکیا لە پارێزگای قەرس لە ئۆپەراسیۆنێکدا دژ بە ئەندامانی هەدەپە، 19 کەس لەوان هاوسەرۆکی شارەوانی قەرس-یان دەستگر کرد.
بەپێی هەواڵی کوردپرێس، ئاژانسی Mezopotamya بڵاوی کردەوە لە بەردەوامیی ئۆپەراسیۆنەکانی هێزەکانی تورکیا لەدژی هەدەپە لە کوردستانی تورکیا سەرلەبەیانیی ئەمڕۆ شەڤین ئالاجا هاوسەرۆکی شارەوانی شاری قەرس و چەند کەسی دیکە دەستگیر کران.
سەرلەبەیانیی ئەمڕۆ پۆلیسی تورکیا هەڵیانکوتایە سەر ماڵی شەڤین ئالاجا هاوسەرۆکی شارەوانی قەرس و دەستگیریان کرد، هاوکات هەر لە شاری قەرس، ئەمڕۆ یاریدەری هاوسەرۆکی شارەوانی، ئەندامانی ئەنجومەنی گشتی شارەکە و چەندین ئەندام و سیاسەتمەداری هەدەپە دەستگیر کران، پۆلیسی تورکیا هەروەها دەستیکردووە بە پشکنینی ماڵی جەنگیز ئانلی هاوسەرۆکی هەدەپەی قەرس.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران