ئه‌حمه‌د تورک داوا لە هەموو ڕێکخراوە مەدەنییەکان دەکات بێنە ڕیزی ئەوانەوە
کوردپرێس:
ئه‌حمه‌د تورك، سه‌رۆكی شاره‌وانی ماردین بۆ جاری دووەم له‌لایه‌ن وه‌زاره‌تی ناوخۆی توركیاوه له‌پۆسته‌كه‌ی دوور خرایه‌وه، ناوبراو له‌یه‌كه‌م لێدوانی پاش ئه‌و بڕیاره‌دا ڕایگه‌یاند، ''ئەوە کارێکە کە هیچ عەقڵ و لۆژیکێک ناتوانێت ڕوونی بکاتەوە، ئێستا لە سەردەمێکدا دەژین کە یاسا بوونی نەماوە و ناحەقی لە لووتکەدایە.
ئەحمەد تورک وتیشی، "دان بە ئیرادەی خەڵکیدا نانێن و بەوەش دەڵێن دیموکراسی. هەموو شتێک زۆر بە ڕوونی دیار و ئاشکرایە. موستەفا یامان کە بەردەوام بە گەندەڵی و نایاسایی و بەرتیل وەرگرتن یاد دەکرێتەوە جارێکی تر وەک سەرۆکی شارەوانی بە قەییم دانراوەتەوە، ئەوەش بەڵگە و سەلمێنەری ئەو ڕاستییەیە کە سیاسەتی وڵات بە تەواوی دژی دیموکراسییە.
سەرۆکی لەکارلادراوی شارەوانیی ماردین زیادیشی کرد: بە ڕوون و ئاشکرا دیارە کە سیاسەت لە وڵاتدا چۆن بەڕێوە دەبرێت، ئەوەی ڕوو دەدات جگە لە ناحەقی و نەبوونی یاسا هیچ شتێکی دیکە نییە''.
کۆدی هەواڵنێر: 60101
بۆچوونی بەکارهێنەران