فڕۆکەکانی تورکیا بنکەکانی پەکەکە لە کەمپی مەخموور بۆردوومان دەکەن
بەشی تورکیا- فڕۆكە جەنگییەكانی توركیا بۆردوومانی بنکەکانی پەکەکە لە كەمپی پەنابەرانی مەخموویان كرد و بەهۆیەوە چەند پەنابەر بریندار بوون.
کوردپرێس: بەپێی هەواڵێكی ئاژانسی فرات نیووز، بەرەبەیانی ئەمڕۆ هەینی فڕۆكە جەنگیەكانی توركیا بۆردوومانی كەمپی پەنابەرانی ڕۆستەم جوودی مەخموریان كردووە و لە ئەنجامدا چەند پەنابەرێک برینداربوون و زیانی مادی زۆریش بەر كامپەكە و ماڵی پەنابەران كەوتووە.
پێشتریش توركیا چەند جارێک كەمپی پەنابەرانی مەخمووری بۆردوومان كردبوو، لە دوو هێرشیان لە 6 و 13 ی كانوونی یەكەمی ساڵی رابردوو، 5 ئەندامی هێزەكانی پاراستنی جەوهەری كامپەكە و 5 ژن کوژران و ژمارەیێک پەنابەری تریش بریندار ببوون.
كەمپی پەنابەرانی مەخموور بەهەزاران پەنابەری كوردستانی تورکیا لە خۆدەگرێت كە بەهۆی بوونی شەڕ و سوتاندنی گوندەكانیان لە هەشتاكان و نەوەدەكانی سەدەی رابردوو ئاوارەی عێراق بوون.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران