ئەلعەرەبی جەدید:
پارتی و یەکێتی لەسەر کاندید بوونی ڕزگار عەلی بۆ پۆستی پارێزگاری کەرکووک ڕێککەوتوون
بەشی عێراق و هەرێمی کوردستان- سەرچاوەیێکی سیاسیی کورد جەخت دەکاتەوە کە دوو حزبی سەرەکیی هەرێمی کوردستان لەسەر کاندیدی پارێزگاری کەرکووک گەیشتوونەتە ڕێککەوتن و لەماوەی دوو حەفتەی داهاتوویشدا حکوومەتی نوێی هەرێم پێکدێنن.
بەپێی هەواڵی کوردپرێس، ڕۆژنامەیی عەرەبی جەدید لە ئەژماری ئەمڕۆ سێشەممەدا لەزاری سەرچاوەیێکی سیاسیی کوردەوە ڕایگەیاند: پارتی و یەکێتی لەسەر کاندید بوونی ڕزگار عەلی ئەندامی مەکتەبی سیاسی یەکێتی بۆ پۆستی پارێزگاریی، پارێزگای نەوت خێز و کێشەلەسەری کەرکووک ڕێککەوتوون.
بەوتەی ئەم سەرچاوە سیاسییە دوو حزبەکە هەروەها ڕێککەوتوون کە ئەندامێکی یەکێتیی نیشتمانی وەکوو سەرۆکی نوێی پەرلەمانی هەرێمی کوردستان هەڵبژێردرێت و کارەکەشی پاش دەست لەکار کشانی والا فەرید سەرۆکی کاتیی پەرلەمان دەست پێبکات.
سەرچاوەکە کە ناوی نەدرکێندراوە هەروەها جەخت دەکاتەوە پێش جەژنی سەری ساڵ پارتی دیموکراتی کوردستان و یەکێتیی نیشتمانیی کوردستان لەسەر پێکهێنانی حکوومەتی نوێ ڕێکدەکەون.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران