هۆشیار عه‌بدوڵڵا: مووچه‌ی فه‌رمانبه‌ران و پێشمه‌رگه له کێشه‌ی مه‌له‌فی نه‌وت دوور ده‌بێت
به‌پێی هه‌واڵی کوردپرێس، ئه‌مڕۆ چوارشه‌ممه 23ی کانوونی دووهه‌می 2019 هۆشیار عه‌بدوڵڵا، ئه‌ندامی په‌رله‌مانی عێراق له نووسینێکدا له په‌یجی تایبه‌تی خۆی نوسیویه‌تی: "له مادده‌ی 10 بڕگه‌ی ج پاش گفتوگۆیێکی جددی به جۆرێک جێگیرمان کرد که له حاڵه‌تێکدا هه‌رێم پابه‌ند نه‌بێت به ناردنی نه‌وت مووچه‌ی فه‌رمانبه‌ران و پێشمه‌رگه بنێردرێت".
ناوبراو ئاماژه‌ی به‌وه‌ش کرد که ئه‌مڕۆ چوارشه‌ممه کۆبوونه‌وه‌ی په‌رله‌مان به‌ڕێوه ده‌چێت و پڕۆژه بودجه‌ی ساڵی 2019 ده‌خرێته ده‌نگدانه‌وه.
هۆشیار عه‌بدوڵڵا ڕاشیگه‌یاندوووه: "نه‌وتی هه‌رێم له ئێستادا کێشه‌یێکی گه‌وره و ئاڵۆسکاوه له به‌رده‌م هه‌رێم و حکوومه‌تی ناوه‌ندیدا، ئێمه له‌گه‌ڵ ئه‌وه‌ین هه‌رێم پابه‌ند بێت به ناردنی نه‌وت له‌لایه‌ن سۆمۆوه به‌ڵام ئه‌م کێشه‌یه نابێت ببێته هۆی بێ مووچه بوونی خه‌ڵک و ئه‌وه‌شمان جێگیر کردوووه".
ناوبراو ڕوونیشی کرده‌وه: "له‌سه‌ر حکوومه‌تی هه‌رێم واجبه له‌گه‌ڵ په‌سه‌ندکردنی موازه‌نه پاشه‌که‌وتی مووچه هه‌ڵبگرێت چوونکه ده‌توانێت مووچه‌ی ته‌واو بدات و ئیدی خۆدزینه‌وه له نه‌دانی مووچه‌ی ته‌واو پاساوی نامێنێت".
سه‌رچاوه: خه‌ندان
کۆدی هه‌واڵنێر: 60103
بۆچوونی بەکارهێنەران