سەبارەت بە کەرکووک، ئەمریکا بەڵێنێکی بە بارزانی داوە
بەپێی هەواڵی کوردپرێس، ڕۆژنامەی عەرەبی جەدید چاپی لەندەن لە ئەژماری ڕۆژی سێشەممەی دا لە زاری سەرکردەیێکی پارتییەوە ڕایدەگەیێنێت کە مەسعوود بارزانی سەرۆکی ئەم حیزبە لە دواهەمین دیدرایدا لەگەڵ مایک پۆمپیۆ، وەزیری دەرەوەی ئەمریکا لە شاری هەولێر، باسی کەرکووک و مەترسیی درێژەدان بە چالاکییە ورووژێنەرەکانیان لەم پارێزگا نەوت خێزەدا کردووە.
بە وتەی ئەم ئەندامەی پارتی کە ناوی نەدرکێندراوە، مایک پۆمپیۆ، وەزیری دەرەوەی ئەمریکا لە دیدار لەگەڵ بارزانیدا بەڵێنی داوە کە بە مەبەستی ئارام کردنەوەی دۆخی کەرکووک نێوەند گیری دەکات و ئەنجامەکانیشی بەم زووانە دەردەکەوێت.
بەرپرسەکەی پارتی دەڵێت: وەزیری دەرەوەی ئەمریکا بە بارزانیی سپاردووە کە لەم قۆناخەدا دان بەخۆیدا بنێت و لەم بارەوە لەگەڵ عادل عەبدولمەهدی سەرۆک وەزیرانی عێراقیش گفتوگۆی کردووە و چاوەڕێی ئەنجامەکانیەتی.
کۆدی هەواڵنێر: 60113
بۆچوونی بەکارهێنەران