نوێنەری هاوپەیمانیی فەتح لە پەرلەمانی عێراق:
هەوڵەکان لە ئارادایە بۆ لێپرسینەوە لە وەزیری نەوتی عێراق
بەشی عێراق و هەرێمی کوردستان- نوێنەری هاوپەیمانیی فەتح لە ئەنجومەنی نوێنەرانی عێراق ئاماژەی دا بەوەی کە بە هۆی گەندەڵی لە کۆمپانیای نەوتیی سۆمۆ ڕۆژانە ملیۆنان دینار خەسار لە عێراق دەکەوێت وتی: هەوڵەکان لە ئارادایە بۆ لێپرسینەوە لە وەزیری نەوتی عێراق.
بەپێی هەواڵی کوردپرێس، عەدی عەواد لە لێدوانێکی ڕۆژنامەوانیدا ڕایگەیاند: سامر غەزبان وەزیری نەوتی عێراق پشتگیری لە گەندەڵکارانی کۆمپانیای نەوتیی سۆمۆ دەکات و بە هۆی گەندەڵی لە کۆمپانیای نەوتیی سۆمۆ-وە ڕۆژانە ملیۆنان دینار خەسار لە عێراق دەکەوێت.
ناوبراو جەختی کردەوە کە ژمارەیێک بەڵگەی پێیە کە هاوکاریی غەزبان لەگەڵ گەندەڵکارندا لە کۆمپانیای سۆمۆ ئاشکرا دەکات و لە پەرلەمانی عێراقدا هەوڵەکان لە ئارادایە بۆ لێپرسینەوە لە وەزیری نەوتی عێراق.
کۆدی هەواڵنێر: 60113
بۆچوونی بەکارهێنەران