نوێنەری هاوپەیمانیی چاکسازی و بونیاتنانەوە:
لە دانیشتنی داهاتووی پەرلەماندا پڕۆژەیاسای بودجە پەسەند ناکرێت
بەشی عێراق و هەرێمی کوردستان- نوێنەری هاوپەیمانیی چاکسازی و بونیاتنانەوە لە پەرلەمانی عێراق دەڵێت: ئەستەمە کە لە دانیشتنی داهاتووی پەرلەماندا پڕۆژەیاسای بودجەی 2019ی عێراق پەسەند بکرێت.
بەپێی هەواڵی کوردپرێس، عەلی بەدیری لە لێدوانێکی ڕۆژنامەوانیدا ڕایدەگەیێنێت: "هێشتا ناکۆکی لە نێوان حزب و لایەنە سیاسییەکاندا هەیە لەسەر پڕۆژەیاسای بودجەی 2019ی عێراق و ئەستەمە لە دانیشتنی داهاتووی پەرلەماندا پەسەند بکرێت، ئەم پڕۆسەیە چەندین حەفتە دەخایێنێت".
بەدیری زیادی کرد: ناکۆکییەکان لەسەر بەشە بودجەی هەرێمی کوردستان و بەشە بودجەی پارێزگا باشوورییەکانی عێراق هێشتا بەردەوامن.
سەرچاوە: «الاتجاه پرس»
کۆدی هەواڵنێر: 60113
بۆچوونی بەکارهێنەران