ئێران لە نێوان ڕەوتی حکمە و عەسائیبی ئەهلی حەق نێوەندگیری نەکردووە
بەشی عێراق و هەرێمی کوردستان- نوێنەری ڕەوتی حکمە لە ئەنجومەنی نوێنەرانی عێراق ئەو ڕاپۆرتانەی کە باس لە نێوەندگیری ئێران لە نێوان ڕەوتی حکمە و عەسائیبی ئەهلی حەق دەکەن ڕەت دەکاتەوە.
بەپێی هەواڵی کوردپرێس، جاسم خمات لە گفتوگۆ لەگەڵ هەواڵدەریی «بغداد الیوم»دا وتی: سەردانی جەواد زەریف، وەزیری دەرەوەی ئێران بۆ عێراق سەردانێکی فەرمییە و بە ئامانجی چارەسەر کردنی کێشەی نێوان نێوان ڕەوتی حکمە و عەسائیبی ئەهلی حەق ئەنجام نەدراوە.
خمات زیادی کرد دیداری نێوان زەریف و عەمار حەکیم پیشاندەری ئارامیی دۆخی سیاسیی عێراق لە ناوخۆ و دەروەی وڵاتە و کێشەی نێوان ڕەوتی حکمە و عەسائیبی ئەهلی حەق پێش سەفەری زەریف بۆ عێراق چارەسەر کرابوو.
کۆدی هەواڵنێر: 60113
بۆچوونی بەکارهێنەران