ھاتنی 300 هێزی سوپای تورکیا بۆ ھەرێم
کوردپرێس:
ھاوار ئامێدی بەرپرسی کۆمیتەی یەکێتیی لەئامێدی بەSNNی ڕاگەیاند، "ئەو ھێزەی سوپای تورکیا کە ژمارەیان بەنزیکەی ٣٠٠ کەس دەخەمڵێنرێت و ڕۆژی ھەینی ڕابردوو لەتورکیاوە ھاتنە ناوچەکانی (بامەڕنێ، ئامێدی، دێرەلوک و کانی ماسی)، بریتیبوە لەئاڵوگۆڕکردنی ئەو ھێزانە".
ناوبراو وتیشی:"سوپای تورکیا بە ئاشکرا لەو سنوورە ھاتۆچۆ دەکات کە ژمارەیان بە سێ ھەزار سەرباز دەخەمڵێنرێت و ئەوان لەوێ باڵادەستن، بەجۆرێک لەبامەڕنێ بنکەی سەربازییان ھەیە و لەسەنتەری قەزای ئامێدیش سەنتەری میتی تورک بوونی ھەیە، ھەرکاتێکیش پێویست بێت، ژمارەکەیان زیاددەکەن".
ئەو بەرپرسەی یەکێتی بەدووری دەزانێت سوپای تورکیا لەخاکی ھەرێم بکشێتەوە، دەشڵێت:"جێگیربوونی سوپای تورکیا بەھۆی پەکەکەوە نییە".
ھاوار ئامێدی بەڵگە بۆ قسەکانیشی دەھێنێتەوە و ڕایدەگەیەنێت، "لە مووسڵ و شنگال پەکەکەی لێ نییە، بەڵام سوپای تورکیا جموجۆڵی ھەیەو بنکەشی لەباشیک ھەیە".
بۆچوونی بەکارهێنەران