شەمخانی:
گفتوگۆکانی نێوان ئێران و تاڵیبان درێژەیان دەبێت
بەشی ئێران- سەرۆکی ئەنجومەنی باڵای ئاسایشی نیشتمانیی ئێران ڕایگەیاند: ئەو پێوەندی و گفتوگۆیانە لە نێوان کۆماری ئیسلامیی ئێران و گرووپی تاڵیبان بە مەبەستی چارەسەر کردنی کێشە ئەمنییەکانی وڵاتی ئەفغانستان و بە ئاگارداریی حکوومەتی ئەو وڵاتە ئەنجام دەدرێن و پڕۆسەکەی درێژەی دەبێت.
بەپێی هەواڵی کوردپرێس، عەلی شەمخانی سەرۆکی ئەنجومەنی باڵای ئاسایشی نیشتمانیی ئێران بە یاوەریی شاندێکی باڵای سیاسی، سەربازی و ئەمنییەتی سەردانی کابولیان کرد و لەگەڵ هاوتا ئەفغانییەکەیدا کۆبوونەوە و لەبارەی پرسە ناوچەیی و نێونەتەوەییەکان گفتوگۆیان ئەنجانم دا.
عەلی شەمخانی، ڕاگەیاند: "حکوومەتی ئەشرەف غەنی، سەرکۆماری ئەفغانستان ئاگاداری گفتوگۆی نێوان ئێران و تاڵیبانە".
ناوبراو ئاماژەی بەوەش کرد: "حکوومەتی ئەفغانستانیان لە ناوەرۆکی گفتوگۆکان ئاگادار کردووەتەوە و لە داهاتووشدا ئەو گفتوگۆیانە بەردەوام دەبن".
شەمخانی وتیشی: ئامانج لە گفتوگۆکان لەگەڵ تاڵەبان یارمەتیدان بە چارەسەرکردنی پرسی ئاسایش و ئەمنیەتی ئێستای ئەفغانستانە.
کۆدی هەواڵنێر: 60113
بۆچوونی بەکارهێنەران