بەرپرسی کۆتلەی دیپلۆماتیی ئاسایشی نیشتمانی لە پەڕلەمانی ئێران:
وڵاتانی ناوچەکە ڕێز لە سەروەریی سووریا بگرن
بەشی ئێران- سەید محەمەد سەفاری نەتەنزی دەڵێت: ئێستاکە دەوڵەتی سووریا لە چاو چەند ساڵی ڕابردوو بەهێزتر بۆتەوە و پێویستە هەموو وڵاتانی ناوچەکە ڕێز لە سەروەریی ئەو وڵاتە بگرن.
ئەندامی کۆمیسیۆنی ئاسایشی نیشتمانی لە پەڕلەمانی ئێران لەو بارەیەوە بە هەواڵنێری کوردپرێس وتوووە: ئێمە بڕوامان وایە دەبێت هەموان ڕێز لە سەروەریی سووریا بگرن و لە چوارچێوەی پەێڕەوی نێودەوەڵەتیدا کار بکەن.
ناوبراو درێژەی پێدا: بەگوێرەی ڕێکەوتنی ئەستانە کە لە نێوان ئێران و تورکیا و ڕووسیا واژۆ کراوە پێویستە هەموو لایەنێک ڕێز لە ڕێکەوتنەکان بگرن و هەنگاوی تاک لایەنانە نەنێن.
سەفاری نەتەنزی زیادی کرد: ئەمڕۆکە توانای سوپای سووریا لە ئاستێکی باڵادایە بۆ خۆیان دەتوانن بەرپەرچی تیرۆریستان بدەنەوە و پێویستیان بەوە نییە لە دەرەوە هێزیان بۆ بنێردرێت.
کۆدی هەواڵنێر: 60101
بۆچوونی بەکارهێنەران