ئاری هەرسین:
لە ئێستادا من پارتی نیم
بەشی عێراق و هەرێمی کوردستان- ئاری هەرسین، پەرلەمانتاری كوردستان رای گەیاند: ئەوەی بەسەر هەرێمی كوردستان هات بەهۆی "نەبوونی یەكڕیزیی نێو ماڵی كورد بوو، نەک ئازایەتیی سوپای عێراقی و لە ئێستاشدا من پارتی نییم ".
بەپێی هەواڵی کوردپرێس، ئاری هەرسین، پەرلەمانتاری كوردستان دەڵێت: "بەغدا لەو درزەی كە لە نێوان حزبە كوردستانییەكاندا هەیە سوودی وەرگرتووە و حزبەكانی هەرێم یەكڕیز نین".
ناوبراو ئاماژەی بەوەش كرد، "ئەوەی ئەم بەزمەی بە سەر ئێمە هێنا ئازایەتی سوپای عێراقی نەبوو بەڵكوو نەبوونی یەكڕیزی ماڵی كورد وایكرد، چوونكە ئێمە لە ناو ماڵی خۆمان یەكڕیزنین".
ئاری هەرسین ئەوەشی خستەڕوو، "دەبێت حكوومەتی هەرێمی كوردستان نەک حزبەكان لیژنەیێک دروست بكات و بچنە بەغدا تاوەكوو كێشەكان چارەسەر بكرێت، لە ئێستاشدا من پەرلەمانتاری پارتی نیم و كوتلەی نەتەوەییم راگەیاندووە و لە ئێستادا پارتی نیم".
سەرچاوە: خەندان
کۆدی هه‌واڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران