وەزیری گومرگ و ژووری بازرگانیی تورکیا:
سنووری ئیبراهیم خەلیل بە دەست دەوڵەتی عێراقەوەیە
بەشی تورکیا- بۆڵەنت تفەنگچی وەزیری گومرگ و ژووری بازرگانیی تورکیا لە لێدوانێکدا ڕایگەیاند: سنووری ئیبراهیم خەلیل (خابوور) لە کۆنتڕۆڵی حکوومەتی بەغدادایە و هاتووچۆ لەو سنوورەوە ئاساییە و کێشەی تێدا نییە.
بەپێی هەواڵی کوردپرێس، بۆڵەنت تفەنگچی وەزیری بازرگانی و ئابووری تورکیا لە لێدوانێکی خۆی لە ژووری وەرزێریی مالاتیا قسەی دەکرد سەبارەت بە دۆخی سنووری ئیبراهیم خەلیل بە هەواڵنێرانی ڕاگەیاند: ئێمە بەردەام جەختمان لەوە کردۆتەوە کە پاڵپشتی سەروەری و یەکپارچەییی عێراقین و بە پێویستی دەزانین سنوورەکان و فڕۆکەخانەکانی ئەو وڵاتە لە کۆنتڕۆڵی حکوومەتی ناوەندیدا بن. ئەوە لە دەستووری عێراقیشدا جەختی لە سەر کراوەتەوە.
ناوبراو لە درێژەی لێدوانەکانیدا ئەوەشی خستە ڕوو: پاش ئەو دیدارانەی لەگەڵ لایەنی عێراقی بوومان بەرپرسانی عێراقی ڕایان گەیاندبوو کۆنتڕۆڵی سنوورەکان بە دەست حکوومەتی ناوەندییەوەیە. ئێستاکەش هیچ کێشەیێک لە هاتووچۆی ئەو سنوورەدا نییە و ئێمەش لە نزیکەوە چاودێریی گۆڕانکارییەکانی ئەو سنوورە دەکەین.
سەرچاوە: هەواڵدەریی هابەر 7
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران