وڵاتانی عه‌ره‌بی دژ به به‌ڕێوه‌چوونی گشتپرسیی هه‌رێمی کوردستان نین
به‌پێی هه‌واڵی کوردپرێس، شاخه‌وان عه‌بدوڵڵا له گفتوگۆ له‌گه‌ڵ هه‌واڵده‌ریی "السومریه نیوز"دا سه‌ردانی ئه‌حمه‌د ئه‌بووغه‌یت ئه‌مینداری گشتیی کۆمکاری عه‌ره‌ب بۆ هه‌ولێری به ئیجابی وه‌سف کرد و ڕای‌گه‌یاند: له‌و دیداره‌دا مه‌سعوود بارزانی سه‌رۆکی هه‌رێمی کوردستان ئه‌بووغه‌یتی ئاگادار کردۆته‌وه که دواخستنی گشتپرسی ده‌بێ به زه‌مانه‌تی نێوده‌وڵه‌تییه‌وه ئه‌نجام بدرێت.
ناوبراو جه‌ختی له‌سه‌ر ئه‌وه کرد که له‌م دیداره‌دا ئه‌مینداری گشتیی کۆمکاری عه‌ره‌ب له کێشه‌ی هه‌رێمی کوردستان و ئه‌و هۆکارانه‌ی که هه‌ولێری به به‌ڕێوه‌چوونی گشتپرسی ناچار کردووه، تێگه‌یشتووه و ده‌ری‌بڕی: خاڵی گرینگ له‌م دیداره‌دا ئه‌وه‌یه که ئه‌بووغه‌یت، بارزانی له هه‌ندێ په‌یامی وڵاتانی عه‌ره‌بی بۆ دواخستنی گشتپرسی و نه‌ک دژایه‌تی له‌گه‌ڵ ئه‌و بابه‌ته ئاگادار کردۆته‌وه که باس له نه‌رمی نواندنی هه‌ندێ له وڵاتان ده‌کات که ناڕه‌زایییان به به‌ڕێوه چوونی گشتپرسی ده‌ربڕی‌بوو.
کۆدی هه‌واڵنێر: 60103
بۆچوونی بەکارهێنەران