یه‌که‌م به‌ری زه‌یتوونی دێم له‌ گوندی زه‌رده‌ی داڵه‌هۆ چنرایه‌وه‌

به‌پێی هه‌واڵی کوردپرێس، چنینه‌وه‌ی یه‌که‌م به‌ری زه‌یتوونی دێم له‌ باخی ڕه‌زا وه‌لی په‌نا، باخه‌وانی نموونه‌ و زه‌یتوونکاری نموونه‌ی گوندی زه‌رده‌ ئه‌نجام بووه‌.

به‌ڕێوه‌به‌ری باخه‌وانیی جه‌هادی کشتوکاڵی شاری داڵه‌هۆ له‌و باره‌یه‌وه‌ ڕای­گه‌یاند: له‌ قه‌زای ڕێژاو کۆی 544 هێکتار زه‌یتوون کراوه‌ و له‌و ڕێژه‌یه‌ش 60 هێکتاری زه‌یتوونی دێمه‌ و 480 هێکتاریشی زه‌یتوونی به‌رئاوه‌.

سه‌فه‌ری زیادی کرد: که‌ش و هه‌وای ناوچه‌که‌ بۆ به‌رهه‌مهێنانی زه‌یتوون گونجاوه‌ و له‌ هه‌ر هێکتارێکدا پێشبینی کراوه‌ 2075 کیلۆ زه‌یتوون به‌رهه‌م بهێندرێت.

گوندی زه‌رده‌ سه‌ر به‌ قه‌زای ڕێژئاو له‌ 40 کیلۆمه‌تری شاری کرندی ڕۆژئاوایه‌ و حه‌شیمه‌ته‌که‌ی ده‌گاته‌ 36 هه‌زار که‌س و پیشه‌ی خه‌ڵکی ناوچه‌که‌ زیاتر جووتیاری و باخدارییه‌.

کۆدی هه‌واڵنێر: 60104