18:06 PM   IRAQ
SUNDAY, 23 SEPTEMBER 2018
 به په‌له |◀   پارتی له‌ ڕێگای ڕاگه‌یێندراوێکه‌وه‌ له‌سه‌ر پۆستی سه‌رکۆمار وه‌ڵامی یه‌کێتی ده‌داته‌وه‌
گوندە سنوورییەكانی ناحیەی سیدەكان مەترسیی چۆڵ كردنیان لەسەرە

بەشی عێراق و هەرێمی کوردستان- بەهۆی بۆردومانی فڕۆكە جەنگیەكانی توركیاوە، گوندەكانی سنووری ناحیەی سیدەكان لە دۆخێكی زۆر خراپدان.

بەپێی هەواڵی کوردپرێس، ئیحسان چەلەبی بەڕێوەبەری ناحیەی سیدەكان بۆ رادیۆی نەوا جەختی كردەوە "گوندنشینان و كۆچەرییەكانی سنووری ناحیەی سیدەكان، لە رەوشێكی خراپدان و بەهۆی تۆپباران و بۆردومانی فڕۆكەكانی توركیا، دانیشتوانی نزیكەی 12 گوندی دیكە، لە دڵەڕاوكێدان و لەترسی تۆپباران ناوێرن كار و كەسابەتی رۆژانەی خۆیان ئەنجام بدەن".

ئیحسان چەلەبی لە بەشێكی دیكەی لێدوانەكەیدا وتی: "ئەمساڵ بەهۆی بۆردومانی فڕۆكەكانی توركیا، بەراورد بە ساڵانی پێشوو، كەمترین خێزانی كۆچەر بۆ دابین كردنی لەوەڕگە بۆ مەڕو ماڵاتیان، رەشماڵیان لەو سنوورە هەڵداوە و ئەگەر تۆپباران و بۆردومانەكانی توركیا درێژە بكێشێت ئەوا دەیان گوندی ناوچەكە چۆڵ دەكرێن".

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه