05:45 PM   IRAQ
SUNDAY, 18 NOVEMBER 2018
 به په‌له |◀   سەردانی بەرهەم ساڵح بۆ ئێران لەئێستادا پیشاندەری گرنگایەتیی ئەم وڵاتە بۆ عێراقە
تورکێک دەبێتە وتەبێژی هەدەپە

بەشی تورکیا- پارتی دیموکراتیکی گەلانی تورکیا لە ڕێگای بەیاننامەیێکی فەرمییەوە ڕایگەیاند سارۆهان ئۆڵچۆ بریکاری پارتی دیموکراتیکی گەلان کە هاوکات نوێنەری ئەستەنبۆڵە لە پەڕلەمانی تورکیا وەکوو وتەبێژی نوێی پارتەکە دەستنیشان کراوە.

کوردپرێس:

پارتی دیموکراتیکی گەلان پاش دانیشتنی ئەنجومەنی ناوەندیی پارتەکە لە بەیاننامەیێکی فەرمیدا ئەو هەواڵەی ڕاگەیاند و لە بەیاننامەکەدا نووسراوە: پاش ئەوەی ئایهان بیلگەن وتەبێژی پێشووی پارتی دیموکراتیکی گەلان وەکوو سەرۆکی فراکسیۆنی پارتەکە لە پەڕلەمانی تورکیا هەڵبژێردرا، بڕیارمان دا سارۆهان ئۆڵچۆ وەکوو وتەبێژی نوێی هەدەپە دەستنیشان بکەین.

شیاوی ئاماژەیە سارۆهان ئۆڵچۆ نوێنەرێکی بەڕەچەڵەک تورکی پارتی دیموکمراتیکی گەلانە کە ساڵی 1958 لە ئەستەنبۆڵ لە دایک بووە و لە ئەڵمانیا خوێندنی تەواو کردووە. ناوبراو کە لە هەشتاکان و نەوەدەکاندا کاری ڕۆژنامەنووسیی دەکرد بە یاوەریی ژمارەیێک سیاسەتوانی دیکە پارتی ئازادی و بەرخۆدانی دامەزراند و چەندین ساڵ بریکاری ئەو حیزبە بوو. ناوبراو هەروەهاش یەک لە دامەزرێنەرانی پارتی دیموکراتیکی گەلان بوو و بۆ ماوەی چەند ساڵ وەکوو بریکاری ئەو حیزبە کاری دەکرد.

سەرچاوە: ڕۆژنامەی دیوار

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه