15:05 PM   IRAQ
SATURDAY, 19 OCTOBER 2019
 به په‌له |◀   پێنتاگۆن نیگه‌رانیی خۆی له‌سه‌ر ئاشکرابوونی داتا سه‌ربازییه‌کانی له‌لایه‌ن کورده‌وه‌ به‌ ڕووسیا ڕاده‌گه‌یێنێت
FRIDAY, 20 SEPTEMBER 2019 - 10:21
زەریف بەرەو نیۆرک بەڕێکەوت

بەشی ئێران- نووسینگەی نوێنەرایەتی ئێران لە نەتەوە یەکگرتووەکان ڕایگەیاند کە محەمەد جەواد زەریف بەرەو نیویۆرک بەڕێی کەوتووە.

بەپێی هەواڵی کوردپرێس، پاش کارشکێنییەکانی ئەمەریکا لە کۆتاییدا ڤیزای سەردانی حەسەن ڕۆحانی سەرۆک کۆماری ئیسلامیی ئێران و محەمەد جەواد زەریف، وەزیری دەرەوە بۆ نیویۆرک و بەشداریی لە ٧٤ـەمین دانیشتنی کۆمەڵەی گشتیی نەتەوە یەکگرتووەکان لەلایەن وەزارەتی دەرەوەی ئەمریکاوە دەرکرا.

بەگوێرەی نووسینگەی نوێنەرایەتی ئێران لە نەتەوەیەکگرتووەکان، محەمەد جەواد زەریف دوای وەرگرتنی ڤیزەکەی، ئەمڕۆ بەرەو نیویۆرک بەڕێی کەوتووە و بڕیارە حەسەن ڕۆحانی-ش ڕۆژی ٢٣ی ئەم مانگە بەرەو نیۆرک بەڕێکەوێت.

بڕیارە ٧٤ـەمین دانیشتنی کۆمەڵەی گشتی نەتەوەیەکگرتووەکان ڕۆژی ٢٤ی ئەم مانگە لە نیویۆرکی ئەمریکا و لە بارەگای نەتەوە یەکگرتووەکان بەڕێو بچێت، کە زۆربەی سەرۆکانی دەوڵەتەکانی جیهان لەگەڵ شاندی هاوڕێیان بەشداری تێدا دەکەن.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه