22:42 PM   IRAQ
SATURDAY, 21 SEPTEMBER 2019
 به په‌له |◀   زەریف بەرەو نیۆرک بەڕێکەوت
THURSDAY, 12 SEPTEMBER 2019 - 09:49
پارێزه‌ره‌کانی داوای ئازادکردنی سه‌ڵاحه‌دین ده‌میرتاش ده‌که‌ن

به‌شی تورکیا- دوای ئه‌وه‌ی که‌ لقی 19ی دادگه‌ی سزا قورسه‌کانی ئه‌نقه‌ره‌ حوکمی ئازادکردنی ده‌میرتاشی ده‌رکرد پارێزه‌رانی ناوبراو بۆ پێشکه‌ش‌کردنی داواکاریی فه‌رمی به‌ مه‌به‌ستی ئازادکردنی هاوسه‌رۆکی پێشووی هه‌ده‌په‌ سه‌ردانی لقی 26ی دادگه‌ی سزا قورسه‌کانی ئه‌سته‌نبۆڵیان کرد.

کوردپرێس:

ڕۆژی 2-9-2019 دادگه‌ی 19ی سزا قورسه‌کانی ئه‌نقه‌ره‌ بڕیاری ئازادکردنی سه‌ڵاحه‌دین ده‌میرتاش هاوسه‌رۆکی پێشووی پارتی دیموکراتی گه‌لان (هه‌ده‌په‌)ی له‌ دۆسیه‌ی سه‌ره‌کی واتا ''دۆسیه‌ی تیرۆر" ده‌رکرد و ئه‌گه‌ری ئازادبوونی ده‌میرتاش بووه‌ ڕۆژه‌ڤی تورکیا و پاش ده‌رکردنی حوکمه‌که‌ پارێزه‌رانی ده‌میرتاش بۆ پێشکه‌ش‌کردنی داواکاریی فه‌رمی به‌ مه‌به‌ستی ئازادکردنی هاوسه‌رۆکی پێشووی هه‌ده‌په‌ سه‌ردانی لقی 26ی دادگه‌ی سزا قورسه‌کانی ئه‌سته‌نبۆڵیان کرد.

ده‌میرتاش که‌ له‌ نۆڤێمبێری 2016ی زایینی له‌ زینداندایه‌ ڕۆژی 2ی ئه‌یلوولی 2019 حوکمی ئازادییه‌که‌ی له‌ زیندان ده‌رکرا به‌ڵام به‌ بۆنه‌ی سزادانی له‌ دۆسیه‌یێکی‌تر له‌ زینداندا ماوه‌ته‌وه‌. پارێزه‌رانی له‌ ئێستادا سه‌ردانی دادگه‌ی ئه‌سته‌نبۆڵیان کردووه‌ و به‌ ئاراسته‌کردنی ئه‌و مه‌سه‌له‌ که‌ ده‌میرتاش نزیکه‌ی سێ ساڵه‌ له‌ زینداندایه‌ داوایان له‌ دادگا کردووه‌ که‌ ئازاد بکرێت. له‌ پێشوودا سزای 4 ساڵ و 8 مانگ زیندانی به‌ سه‌ر ده‌میرتاش سه‌پێندرابوو و پارێزه‌ره‌کانی داوایان له‌ دادگا کردووه‌ که‌ چاوپۆشی له‌و سزایه‌ بکرێت و ده‌میرتاش ئازاد بکرێت که‌ ئه‌گه‌ر داوای پارێزه‌ره‌کانی ده‌میرتاش قبووڵ بکرێت ئه‌وا ده‌میرتاش ئازاد ده‌کرێت.

سه‌رچاوه‌: هه‌واڵده‌ریی Diken

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه