22:43 PM   IRAQ
SATURDAY, 21 SEPTEMBER 2019
 به په‌له |◀   زەریف بەرەو نیۆرک بەڕێکەوت
THURSDAY, 12 SEPTEMBER 2019 - 09:29
ساڵح موسلیم: مانه‌وه‌ی هه‌میشه‌ییی سوپای تورکیا له‌ ڕۆژهه‌ڵاتی فورات قبووڵ ناکه‌ین

به‌شی سووریا- ساڵح موسلیم له‌ لێدوانێکدا باسی له‌ دواگۆڕانکارییه‌کانی دامه‌زراندنی ناوچه‌ی ئارام له‌ باکووری سووریا کرد و گوتی: مانه‌وه‌ی هه‌میشه‌ییی سوپای تورکیا له‌ ناوچه‌ی ڕۆژهه‌ڵاتی فورات قبووڵ ناکه‌ین.

به‌پێی هه‌واڵی کوردپرێس، ساڵح موسلیم وته‌بێژی پارتی یه‌کێتیی دیموکراتی سووریا (PYD) ئاماژه‌ی به‌ دواپێشهاته‌کانی دامه‌زراندنی ناوچه‌ی ئارام له‌ باکووری سووریا کرد و ڕای‌گه‌یاند: دانووستانه‌کانی نێوان تورکیا و ئه‌مریکا درێژه‌ی هه‌یه‌. له‌باره‌ی دانووستانه‌کان زانیاریی پێویست ڕاده‌ستی سوپای سووریای دیموکرات و ئه‌نجومه‌نی سووریای دیموکرات کراوه‌. دیداره‌کان درێژه‌ی هه‌یه‌. نازانم ئه‌نجامه‌کانی چ ده‌بێت.

ناوبراو له‌ درێژه‌ی لێدوانه‌کانیدا جه‌ختی کرد: گرینگترین بابه‌ت له‌باره‌ی دامه‌زراندنی ناوچه‌ی ئارام ئیتیفاق‌نه‌کردنی تورکیا و ئه‌مریکایه‌ له‌سه‌ر قووڵاییی ناوچه‌ ئارامه‌که‌ و ئاستی چالاکیی هێزه‌کانی تورکیا له‌و ناوچه‌یه‌. له‌ حاڵێکدا که‌ ئه‌مریکا بازنه‌یێکی 15 کیلۆمه‌تری له‌ قووڵاییی سنووره‌کانی تورکیا له‌گه‌ڵ سووریای له‌به‌رچاو گرتووه‌ تورکیا داوای دوو ئه‌وه‌نده‌ی ئه‌و قووڵاییه‌ ده‌کاته‌وه‌. ئه‌م ڕێکنه‌که‌وتنه‌ نیگه‌رانی لای سوپای سووریای دیموکرات دروست کردووه‌ که‌ داخڵ‌بوونی هێزه‌کانی سوپای تورکیا بۆ ناوچه‌که‌ وه‌ک هێڵی سووری خۆی ده‌زانێت. ڕێگه‌مان به‌ ده‌ورییه‌ی هاوبه‌شی هێزه‌کانی تورکیا و ئه‌مریکا دا به‌ڵام مانه‌وه‌ی هه‌میشه‌ییی سوپای تورکیا له‌ ناوچه‌که‌ قبووڵ ناکه‌ین. ئه‌م بابه‌ته‌ ته‌نانه‌ت له‌لایه‌ن خه‌ڵکی ناوچه‌که‌شه‌وه‌ قبووڵ ناکرێت.

سه‌رچاوه‌: هه‌واڵده‌ریی هاوارنیووز

 

کۆدی هه‌واڵنێر: 60103

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه