22:25 PM   IRAQ
FRIDAY, 20 SEPTEMBER 2019
 به په‌له |◀   زەریف بەرەو نیۆرک بەڕێکەوت
WEDNESDAY, 11 SEPTEMBER 2019 - 17:14
مەسعوود بارزانی: ئەو هۆکارانە کە داعشیان دروست کرد وەک خۆیان ماون و چارەسەر نەکراون

بەشی عێراق و هەرێمی کوردستان- سەرۆکی پارتی دیموکراتی کوردستان ئه‌مڕۆ له‌ سه‌لاحه‌دین پێشوازیی لە برایان مەکفیتێرز، جێگری سەرۆکی نێردەی تازەی ئەمەریکا لە عێراق و شاندی یاوەری کرد.

کوردپرێس: لە دیدارەکەدا بە درێژی باسی گفتوگۆکانی نێوان هەرێم و بەغدا کرا و مەسعوود بارزانی جەختی کردەوە کە پشتیوانیی دیالۆگ دەکەن بۆ چارەسەری کێشەکان لەسەر بنەمای دەستوور. هەروەها دۆخی سیاسیی ناوچەکە و هەڕەشەکانی داعش خرایە بەر باس.

سەرۆکی پارتی دیموکراتی کوردستان ڕاشیگەیاند کە ئەگەرچی داعش لەڕووی شەڕی بەرەییەوە شکاوە، بەڵام لەناو نەچوون و خەریکی خۆ ڕێکخستنەوەن. هەروەها تەئکیدی کردەوە کە داعش هەڕەشەیە بۆ سەر هەموولایێک، بۆ هەندێ لا هەڕەشەی نزیک و بۆ هەندێکی تر هەڕەشەکە دوور مەودایە، ئەو هۆکارانەش کە داعشیان دروست کرد وەک خۆیان ماون و چارەسەر نەکراون.

 هەر لەو کۆبوونەوەیەدا دوا پێشهاتە سیاسییەکانی عێراق و ناوچەکە و بارودۆخی کەرکووک و ناوچەکانی ماددەی 140 تاتوێ کرا.

بارودۆخی سووریا تەوەرێکی تری ئەو دانیشتنە بوو و مەسعوود بارزانی نیگەرانی و تێبینییەکانی خۆی لەسەر بارودۆخ و داهاتووی گەلی کورد لە سووریا بە شاندی میوان ڕاگەیاند.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه